這是八十年代的時候在香港流行過的語言遊戲，也曾看過黃霑在報上描述他被人問到答不下去時的窘態。
遊戲通常是這樣開始的：
黑貓黑色，白貓白色，請問『紅』貓乜嘢色？
一般玩這個遊戲的人都會反應過快的答：「紅色囉。」
誰知問的乃是「熊貓也嘢色？」，答案乃是黑白兩色。
然後帶領遊戲者續問：「咁『出』貓係乜嘢色？」
面對這個問題，被問者通常一臉茫然：「吓，『出』貓係乜嘢色？『出貓』有顏色嘅咩？」
原來答案是：「要『出貓』，當然係『唔識』啦！」
問題還未完，帶領遊戲者又問：「咁『死貓』你又知唔知會係乜嘢色吖？」
被問者心道，今次都應該同顏色有關啦卦，死貓大抵唔係灰色就係黑色吧。
誰知答案又是出人意表：「安息」！
記得九十年代中期，女兒還是幼稚生時，曾和她玩過，而我
掛在牆上嘅貓──裝飾
可以放入衫袋裡嘅貓──的式
而我也想過：
冇晒希望嘅貓──心息
好叻嘅貓──出色
花面貓──五顏六色
其實應該還有幾條的，但事隔太久，而記寫下來的紙張也不知放了在哪兒了，只好先把能記得的寫下來，日後有機會再補回。當然，各位粵語網友如有新的點子，歡迎提供，這廂先謝過！
那紙條找回出來了，現補充如下：
鹹濕貓──好色
孤寒貓──吝嗇
好鬼靚嘅貓──絕色
抖唔到氣嘅貓──窒息
又食魚又捉到老鼠嘅貓──常識
成日瞓唔捉老鼠嘅貓──冇出息
捉老鼠捉到好攰嘅貓──要休息
2008年10月15日記